Moskvada mənfi 29 dərəcəyə qədər şaxta gözlənilir
Yanvarın 6-dan 10-dək Moskvada mənfi 29 dərəcəyə qədər şaxta gözlənilir.
APA-nın Moskva müxbirinin məlumatına görə, bu barədə Rusiya Hidrometeorologiya Mərkəzinin elmi direktoru Roman Vilfand bildirib.
Onun sözlərinə görə, Moskvada bu əsrdə ən soyuq beş günlük həftə olacaq.
Meteoroloq bildirib ki, buna qədər paytaxtda 2-6 dərəcə şaxta ilə kifayət qədər rahat temperatur gözlənilir.
“Çox kəskin soyuqlar, şaxtanın düşməsi yanvarın 6-da baş verəcək. Gecələr -20-22, gündüzlər də -18-20 dərəcə şaxta olacaq. Milad gecəsində şaxta daha da güclənəcək, havanın temperaturu -27 dərəcəyə , yanvarın 8-də isə -29 dərəcəyə qədər enəcək. Moskvada Yeni il tətilindən sonra hər kəsin işə gedəcəyi 9 yanvarda gün ərzində temperatur fonu -20 dərəcəyə yaxın olacaq. Bu, son 23 ildə, yəni 21-ci əsrin əvvəlindən bəri ən soyuq beş günlük dövr olacaq”, deyə Vilfand qeyd edib.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
