Milli Məclisin deputatı icra başçısı oldu - 43 YAŞI VAR
Milli Məclisin deputatı Elşad Eldar oğlu Həsənov Bakı şəhəri Yasamal rayonu İcra Hakimiyyətinin başçısı təyin edilib.
APA TV-nin məlumatına görə, Azərbaycan Prezidenti İlham Əliyev bu barədə sərəncam imzalayıb. Elşad Həsənov 1976-cı il sentyabr ayının 27-də Bakı şəhərində anadan olub. 1982-ci ildə paytaxtdakı 23 saylı orta məktəbə gedib, 1992-ci ildə oranı qızıl medalla bitirib. Həmin il ilk dəfə test üsulu ilə Bakı Dövlət Universitetinin (BDU) hüquq fakültəsinə qəbul olub. 1997-ci ildə fakültəni fərqlənmə diplomu ilə bitirib. Həmin il BDU-nun cinayət prosesi kafedrasında aspiranturaya qəbul olub. 4 il sonra aspiranturanı fərqlənmə ilə bitirib. 2004-cü ildə namizədlik dissertasiyasını müdafiə edərək, Azərbaycan Prezidenti yanına Ali Attestasiya Komissiyasının qərarı ilə hüquq elmləri namizədi, alimlik dərəcəsinə layiq görülüb.
2015-ci ildə V çağırış Azərbaycan Respublikası Milli Məclisinə 17 saylı Yasamal 3-cü Seçki Dairəsindən deputat seçilib. Ailəlidir, 2 övladı var. İngilis, rus dillərini bilir. Partiya mənsubiyyəti yoxdur.
Xatırladaq ki, qanunvericiliyə əsasən, Elşad Eldar oğlu Həsənovun deputatlığına xitam veriləcək.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
