16:32 26 yanvar 2022 171
Ana səhifə Xəbərlər

Məktəbliyə siqaret satdı, cərimələndi

Yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində polis əməkdaşları tərəfindən tədbirlər davam etdirilir.
Daxili İşlər Nazirliyinin məlumatına görə, Sumqayıt Şəhər Polis İdarəsinin əməkdaşları tərəfindən şəhər ərazisində fəaliyyət göstərən köşklərdən birinin satıcısı Nahid Pirməmmədovun məktəbliyə tütün məmulatı satması müəyyən olunub. Aşkar edilən faktla bağlı həmin obyektin sahibi barəsində İnzibati Xətalar Məcəlləsinin müvafiq maddəsi ilə protokol tərtib edilib.

Nazirlikdən birldirilib ki, yetkinlik yaşına çatmayanlara spirtli içki və tütün məmulatları satan şəxslərə qarşı tədbirlər bundan sonra da mütəmadi olaraq davam etdiriləcək.
 

Müəllif | Apa.Tv

Apa.tv

Kodu kopyalayın