Masallıda saxta vəsiqə düzəldib karantini pozdu - POLİS YAXALADI
Masallıda saxta vəsiqə ilə karantin qaydalarını pozmaq istəyən şəxs saxlanılıb.
APA TV-nin cənub bürosunun verdiyi məlumata görə, rayonunun Yeni Zuvand kənd sakini Elvin Muradov xüsusi karantin rejiminin tələblərinə əsasən şəhər ərazisində saxlanılan zaman o, Masallı Rayon Polis Şöbəsinin əməkdaşlarına Əmlak Məsələləri üzrə Dövlət Komitəsində işlədiyini bildirib.
Üzərində gəzdirdiyi vəsiqəni polis əməkdaşlarına təqdim etdikdə isə vəsiqənin saxta olduğu müəyyən edilib.
Araşdırmalarla məlum olub ki, Elvin Muradov rayon ərazisində sərbəst hərəkət etmək üçün Əmlak Məsələləri üzrə Dövlət Komitəsində mütəxəssis işlədiyi barədə saxta vəsiqə hazırlayıb.
Saxlanılan Elvin Muradov vəsiqəni özünün düzəltdiyini deyir: “Karantinə görə, çölə çıxa bilmədiyimizə görə, vəsiqə düzəltdim özüm üçün. O vəsiqə ilə rayon ərazisində rahat gəzmək üçün. Məni polis əməkdaşları saxladı və vəsiqənin saxta olduğunu bildilər və məni polis şöbəsinə gətirdilər. Tutduğum əməldən peşmanam, səhv etmişəm, heç kim də bu əməli etməsin”.
Faktla bağlı araşdırma aparılır.
Tural Kərimov
Rövşən Əzimov
APA TV
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
