Masallıda karantin qaydalarını pozan kafe və çayxana aşkarlandı
Ölkə ərazisində elan edilmiş xüsusi karantin rejiminin tələblərini pozan, məsuliyyətsiz davranış sərgiləyən şəxslərlə bağlı tədbirlər davam etdirilir.
APA TV-nin cənub bürosunun verdiyi məlumata görə, bu istiqamətdə Masallı Rayon Polis Şöbəsinin əməkdaşları tərəfindən keçirilən növbəti tədbirlər nəticəsində rayon ərazisində yerləşən 1 kafe və 1 çayxananın sərtləşdirilmiş karantin rejiminin qaydalarına zidd olaraq fəaliyyət göstərdiyi müəyyən olunub.
Obyektlərə baxış zamanı kafenin sahibi Ramiz Abıyev və 3 müştərisi, çayxananın sahibi Səfər Əlizadə və 8 müştərisi Polis Şöbəsinə gətiriliblər:
Çayxananın sahibi Səfər Əlizadə əməlindən peşman olduğunu deyir: “Çayxananı açmışdım. Gəldilər uşaqlar çay istədilər, 5-6 nəfər. Onlara çay verdim. Mən də ki, karantin rejimini pozmuşdum , ona görə də çox böyük səhv eləmişəm. Bir də belə şeylərə yol vermərəm”.
Həmin şəxslər barəsində İnzibati Xətalar Məcəlləsinin müvafiq maddəsi ilə protokol tərtib edilərək cərimə olunublar.
Tural Kərimov
Rövşən Əzimov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
