Masallıda avtomobil kanala aşdı
Masallıda 2 nəfərin ölümü ilə nəticələnən yol qəzası baş verib.
APA TV-nin Cənub bürosunun verdiyi məlumata görə, hadisə gecə saatlarında Masallı rayonun Boradigah qəsəbəsindən keçən hissəsində qeydə alınıb.
Lənkəran rayon sakini 1999-cu il təvəllüdlü Əli Mirzağa oğlu Qasımovun idarə etdiyi “Reno” markalı avtomobil yoldan çıxaraq su kanalına aşıb.
Dərhal əraziyə FHN-in Lənkəran Regional Mərkəzinin Xüsusi Riskli Qüvvələri və Təcili Tibbi Yardım əməkdaşları cəlb olunub.
Xilasedicilər avtomobildə olan sürücü və iki nəfər sərnişini çıxararaq aidiyyəti üzrə təhvil veriblər.
Sürücü ciddi xəsarət almasa da, avtomobildə olan sərnişinlər Lənkəran rayon sakinləri 23 yaşlı Zaur Zahid oğlu Əlizadə və 21 yaşlı Bəhram Vasif oğlu Məmmədzadə boğularaq ölüb.
Qeyd edək ki, Bəhram Məmmədzadə mühafizə polisində çalışırdı və evin tək övladı olub.
Faktla bağlı cinayət işi açılıb, araşdırma aparılır.
İlkin Rzayev, Rövşən Almazoğlu, APA TV
Apa.tv
OXŞAR XƏBƏRLƏR
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
Prezident: Avropa Şurasını tərk etməyi ciddi şəkildə müzakirə etmişik
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
