Manaf Ağayevin “Mercedes”i həqiqətən “həbs” olunub?
Müğənni Manaf Ağayevin həbsdən sonra avtomobilinin hələ də özünə qaytarılmadığı iddia olunub.
APA TV-nin xəbərinə görə, bu barədə vəkil Adəm Məmmədov məlumat paylaşıb. Vəkilin sözlərinə görə, azad olunan ərazilərə icazəsiz keçdiyi üçün həbs olunan M.Ağayev cəzasını çəkib qurtarmasına baxmayaraq, ona məxsus "Mersedes" markalı avtomobil cərimə meydançasında saxlanılır.
Məsələ ilə bağlı DİN-in Mətbuat Xidmətindən APA TV-yə bildirilib ki, vəkilin iddiaları əsassızdır: “Manaf Ağayevlə bağlı inzibati tənbeh tətbiqi ödənildikdən dərhal sonra avtomobil sahibinə qaytarılıb”.
Bəhs olunan mövzu ilə əlaqədar Manaf Ağayevin özü ilə əlaqə saxladıq. Sənətçi də APA TV-yə bildirdi ki, maşın həbsdən çıxar-çıxmaz özünə qaytarılıb.
Sənətçi APA-ya həbsdən çıxdıqdan sonra sözügedən avtomobilin yanında çəkdirdiyi fotonu da təqdim edib.
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
