Lerikdə “UAZ” 300 metr hündürlükdən dərəyə aşdı - 3 ÖLÜ, 2 YARALI VAR
Lerikdə maşının dərəyə aşması nəticəsində 3 nəfər ölüb, 2 nəfər yaralanıb.
APA TV-nin cənub bürosunun verdiyi məlumata görə, qəza rayonun Bürsülüm kəndi ərazisində qeydə alınıb.
Belə ki, 1977-ci il təvəllüdlü Habil Əzimovun idarə etdiyi "UAZ" yoldan çıxaraq təxminən 300 metr hündürlükdən dərəyə aşıb. Nəticədə sürücü ilə yanaşı, sərnişinlərdən Elnarə İbrahimova və 1996-cı təvəllüdlü Təyyar Əliyev dünyasını dəyişib.
Qəza zamanı avtomobildə olanlardan 1984-cü il təvəllüdlü Mübariz Zeynalov müxtəlif dərəcəli bədən xəsarətləri alıb və Lənkəran Rayon Mərkəzi Xəstəxanasına aparılıb, vəziyyəti ağırdır. Digər yaralı, 2005-ci il təvəllüdlü Şeyda Əzimova isə Lerik Rayon Mərkəzi Xəstəxanasına yerləşdirilib, onun da vəziyyəti orta-ağır qiymətləndirilir.
Faktla bağlı araşdırma aparılır.
Tural Kərimov
Rövşən Əzimov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
