Lənkəranın hayı gedib, vayı qalan məktəbi
Uçub dağılmaqda olan tavan, yararsız halda olan döşəmə, odun sobası ilə qızdırılan sinif otaqları...
Bura 326 şagirdin təhsil aldığı, 56 müəllimin təlim-tərbiyə ilə məşğul olduğu Lənkəran rayonun Molla Fəttah Səhban adına Göyşaban kənd tam orta məktəbidir.
APA TV-nin yerli bürosunun verdiyi məlumata görə, 3 korpusdan ibarət olan məktəb binası 1960-cı ildə istifadəyə verilib. Yarım əsrdən çox vaxtda bir dəfə də təmir üzü görməyən məktəbin hayı gedib, vayı qalıb.
300 nəfərdən çox şagirdin təhsil aldığı məktəb 225 yerlikdir. Şagird çox, yerlər az, otaqların vəziyyəti də göz qabağında.
Qəzalı olan məktəblə bağlı üz tutduq Lənkəran Şəhər Təhsil Şöbəsinə. Təhsil Şöbəsindən APA TV-yə bildirildi ki, Göyşaban kənd tam orta məktəbi üçün yeni binanın tikilməsi nəzərdə tutulub.
Məktəbdə 18 dərs otağı var. Sakinlər və müəllimlər bildirir ki, hazırda sinif otaqlarının 11-də dərs keçmək mümkündür.
Tural Kərimov
Rövşən Əzimov
APA TV, Lənkəran
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
