Lənkəranda güclü külək ağacı avtomobilin üzərinə aşırıb
Lənkəranda güclü külək nəticəsində irigövdəli ağac hərəkətdə olan avtomobilin qarşısına aşıb. Hadisə gecə saatlarında köhnə Ələt-Astara magistral yolun Lənkəran rayonundan keçən hissəsində qeydə alınıb. Lənkəran sakini Yalçın Həsənova məxsus “KİA sorento” markalı avtomobil Astara istiqamətində hərəkətdə olarkən qarşısına irigövdəli ağac aşıb. Hadisə baş verən zaman sürücü avtomobildə yaxın qohumu ilə birlikdə olub. Qəzada xəsarət alan olmasa da, nəqliyyat vasitəsinə ciddi ziyan dəyib. Ağac yolun hərəkət istiqamətinə düşdüyündən gediş-gəlişi bərpa etmək üçün hadisə yerinə Lənkəran Şəhər Rayon Polis Şöbəsinin DYP bölməsinin əməkdaşları cəlb olunub. Ərazidə tıxac yaranmasın deyə ağac qırıntıları yoldan götürülüb. Magistral yolda avtomobillərin hərəkətinə təmin edilib. İlkin Rzayev Rövşən Almazoğlu APA tv Lənkəran
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
