Lənkəran və Masallı sakinləri tutuldu – NARKOTİK SATDIQLARINA GÖRƏ
Baş Narkotiklərlə Mübarizə İdarəsinin Cənub Regional Şöbəsinin əməkdaşları narkotik satan Lənkəran və Masallı sakinlərini yaxalayıb.
APA TV-nin cənub bürosunun verdiyi məlumata görə, əməliyyat tədbirləri nəticəsində Masallı rayonunun Xıl kənd sakini Fərid Abbasov saxlanılıb. Onun üzərindən bir bükümdə heroin aşkarlanaraq götürülüb.
Aparılan araşdırmalarla Fərid Abbasovun narkotik vasitəni Lənkəran rayonunun Qumbaşı kənd sakini, Ağadadaş Qafarovdan əldə etdiyi müəyyən edilib. Əməliyyat tədbirlərinin davamı olaraq Ağadadaş Qafarovun yaşadığı evə keçirilən baxış zamanı oradan 3 kiloqram 145 qram qurudulmuş marixuana, 8 qram heroin və 5,5 qram metamfetamin aşkarlanaraq götürülüb.
Əməliyyat tədbirlərinin davamı olaraq Ağadadaş Qafarovun narkotik vasitəni əldə etdiyi mənbə də aşkarlanıb və həmin şəxsin Masallı rayonunun Boradigah qəsəbə sakini Hacıəli Rəfiyev olduğu müəyyən edilib. Saxlanılan Hacıəli Rəfiyevin üzərindən və yaşadığı evdən ümumilikdə 383 qram qurudulmuş marixuana aşkarlanaraq götürülüb.
Faktla bağlı araşdırma aparılır.
Tural Kərimov
Rövşən Əzimov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
