Lənkəran sakininin evindən silah çıxdı
Lənkəranda polisin keçirdiyi əməliyyat zamanı vətəndaşlardan silah - sursat və küllü miqdarda narkotik götürülüb. Əməliyyat ilk olaraq Balıqçılar qəsəbəsində keçirilib. Nəticədə Lənkəran rayonunun Balıqçılar qəsəbə sakini Samir Ağakişiyev saxlanılıb. Keçirilən baxış zamanı saxlanılan şəxsin üzərindən heroin və metamfetamin, yaşadığı evdən isə AK-74 markalı avtomat silahı, həmin silaha aid 1 ədəd daraq və 10 ədəd patron aşkarlanaraq götürülüb. Bundan başqa, Lənkəran şəhəri “Ləvəngi dairəsi” ərazisində xidmət aparan şöbənin dövlət yol polisi bölməsinin əməkdaşları tərəfindən saxlanılan “Kia Optima” markalı avtomobilin sürücüsünün narkotik vasitənin təsiri altında olmasına dair şübhələr yarandığından onun müvafiq tibbi müayinədən keçirilməsi təmin edilib. Narkotik vasitənin sərxoşluğu altında olduğu müəyyən edilən sürücü, Masallı rayon sakini Vaqif Tağıyevin üzərinə keçirilən baxış zamanı 40 qram heroin, əlavə olaraq metamfetamin aşkarlanaraq götürülüb. Faktlarla bağlı araşdırma aparılır. İlkin Rzayev Rövşən Almazoğlu APA TV Lənkəran
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
