Küçədə ərzaq məhsulları satanlar cərimələndi
Yay aylarında kənd təsərrüfatı və digər ərzaq məhsullarından zəhərlənmə riskinin artması nəzərə alınaraq Astarada küçə ticarətinin qarşısının alınması ilə bağlı nəzarət tədbirləri gücləndirilib.
Astara Rayon Polis Şöbəsinin əməkdaşları və Qida Təhlükəsizliyi Agentliyinin əməkdaşları tərəfindən bu istiqamətdə növbəti nəzarət-profilaktiki tədbirlər keçirilib. Yol və səkiləri zəbt edərək piyadaların hərəkətini çətinləşdirən, küçələrdə antisanitar vəziyyət yaradaraq pərakəndə ticarətlə məşğul olan, ərzaq məhsullarını heç bir gigiyenik norma və tələb gözlənilmədən elə yolun kənarındaca yığan şəxslər müəyyən edilib. Onlarla ətraflı şəkildə izahedici söhbətlər aparılıb və yalnız müəyyən edilmiş yerlərdə ticarətlə məşğul olmağın zəruriliyi barədə xəbərdarlıqlar edilib. Bildirilib ki, küçə ticarəti insan sağlamlığına zərər vurur və qida zəhərlənməsi riskini artırır, eyni zamanda ətraf mühiti çirkləndirir və epidemioloji təhdid yaradır.
Xəbərdarlıqlara riayət etməyən şəxslər barəsində protokollar tərtib edilib.
Tural Kərimov,
Rövşən Əzimov,
APA TV
Apa.tv
OXŞAR XƏBƏRLƏR
İlham Əliyev Rusiyanın Çeçenistan Respublikasının başçısını qəbul etdi
Şübhəli binada əməliyyat: 1 nəfər dedilər, amma yerin altından 8 nəfər çıxdı
Bakının yaddan çıxan təbiət guşəsi – “Pitomnik”dən REPORTAJ
Prezident Xəzər Ekoloji Sammitinin geniş tərkibdə iclasında çıxış edib
İlham Əliyev MDB Dövlət Başçıları Şurasının məhdud tərkibdə iclasında iştirak etdi
