Keçmiş məhkumdan 70 min manatlıq narkotik götürüldü
Gəncədə narkotik satmaqda şübhəli bilinən şəxs saxlanılıb.
APA TV-nin xəbərinə görə, Gəncə şəhər Baş Polis İdarəsinin Narkotiklərlə Mübarizə Bölməsinin əməkdaşlarının keçirdikləri əməliyyat-axtarış tədbirləri nəticəsində qara bazarda təxmini qiyməti 70 min manat olan, külli miqdarda heroin və tiryək dövriyyədən çıxarılıb.
Əməliyyat zamanı yaxalanan keçmiş məhkum Elsevər Nəbiyevin üzərindən 3 qram “heroin” aşkar edilərək götürülüb.
DİN mətbuat xidmətinin əməkdaşı Eşqin Qasımovun sözlərinə görə, davam etdirilən istintaq-əməliyyat tədbirləri nəticəsində saxlanılan şəxsin mənzilindən də külli miqdarda narkotik maddə aşkar edilib: “Elsevər Nəbiyevin yaşadığı mənzilə baxış keçirilən zaman oradan 1 kq 30 qram heroin və 609 qram tiryək aşkar edilərək götürülüb. Götürülən maddi sübutlar ekspertizaya təqdim edilib”.
Faktla bağlı cinayət işi başlanılıb, araşdırmalar davam etdirilir.
Fuad Naizmoğlu,
Mehdi Məmmədov,
APA TV
Apa.tv
OXŞAR XƏBƏRLƏR
Prezident İran İslam Şurası Məclisinin sədrinin başçılıq etdiyi nümayəndə heyətini qəbul edib
Prezident TBMM-nin sədrinin rəhbərlik etdiyi nümayəndə heyətini qəbul edib
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
Prezidentlər Şuşada inşa edilmiş birinci yaşayış kompleksində olublar
Türkmənistan Prezidenti Sərdar Berdiməhəmmədov Füzuli rayonuna gəlib
