İran yenidən çalxalanır: Fəhlələr tətillərə başladılar
İranda aprelin əvvəlindən neft-kimya və poladəritmə sənayesində başlayan yeni tətil aksiyaları ilə bağlı 35 tələbə və vətəndaş təşkilatı birgə bəyanat yayıb. Bəyanatda tətil aksiyalarına dəstək verildiyi qeyd olunub. O da bildirilib ki, son bir həftə ərzində neft, neft-kimya və poladəritmə sənayesinin 80 müəssisəsinin işçilərinin aksiya və tətillərinin genişlənməsi Terhran rejimindən qurtulmağın yollarından biridir: "Tətil aksiyalarının genişlənməsi xalqın Tehran rejimindən üz döndərməsinin və hakimiyyətə qarşı birləşməsinin təzahürüdür” – deyə, bəyanatda bildirilib.
Yerli medianın xəbərinə görə, aksiyalar neft-qaz, neft-kimya, polad, elektrik təsərrüfatı və metallurgiya sənayesi işçilərinin əməkhaqlarının gecikdirilməsinə və azlığına görə başlayıb. Fəallar qeyd edirlər ki, tətillər Şiraz, Buşehr, İsfahan, Kirman, Bəndər, Yəzd də daxil olmaqla 20-dən çox şəhərdə hələ də davam etməkdədir. Sosial şəbəkələrin İran seqmentində paylaşılan məlumatlara görə, bir neçə neft-kimiya təsisatı o cümlədən, "Bidbolənd 2" neftayrıma zavodunda, Abadan Neftayırma Zavodunda, Çabahar şəhərində yerləşən neft-kimya təyinatlı "Rejin Sənət" Şirkətində, İlam əyalətinin Dehloran şəhərində LGC-30 neft şirkətində işlər demək olar tamamilə dayandırılıb.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
