“İnsanlarımızın dövlətimizdən gözləntilərindən biri də budur”
“2020-ci ildə Müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusu torpaqlarımızı işğaldan azad etdi. Azərbaycan xalqı son 200 ildə ilk dəfə məğlub xalqdan qalib xalqa çevrildi. Qısa müddətdə azad olunmuş ərazilərdə böyük quruculuq və abadlıq işlərinə başlanıldı. Həyata keçirilən uğurlu siyasət nəticəsində bu gün Qarabağ yenidən dirçəlir, yeni xəstəxanalar, məktəblər, yaşayış binaları, mədəniyyət ocaqları inşa olunur”.
APA xəbər verir ki. Bunu Milli Məclisin bu gün keçirilən iclasında deputat Ceyhun Məmmədov deyib.
Deputat bildirib ki, bu gün işğaldan azad olunmuş ərazilərdən olan insanların onlara müraciətlərinin böyük bir hissəsi işğaldan azad olunmuş bölgələrə sərbəst gediş-gəlişə, dünyasını dəyişmiş insanların həmin ərazilərdə dəfninə şərait yaradılması ilə bağlıdır: “Əlbəttə, biz anlayırıq ki, bölgədə hələ də mina təhlükəsi qalır. Məlum olduğu kimi, bu gün işğaldan azad olunmuş ərazilərin bəzilərinə avtobus səfərləri təşkil edilir. Ancaq bunu bütün bölgələrimiz haqqında demək mümkün deyil. Odur ki, düşünürəm, növbəti ildən işğaldan azad olunmuş ərazilərdən olan insanların həmin bölgələrə gediş-gəlişinin asanlaşdırılması istiqamətində tədbirlərin həyata keçirilməsinə ehtiyac var. İnsanlarımızın hazırda dövlətimizdən gözləntilərindən biri məhz budur”.
Apa.tv
OXŞAR XƏBƏRLƏR
Milli Hidrometeorologiya Xidməti sabaha gözlənilən hava proqnozunu açıqladı
Milli maraqlardan qlobal nüfuza: Azərbaycanın xarici siyasət modeli
Prezident Pirallahı Sənaye Parkında dərman istehsalı müəssisəsinin açılışında iştirak edib
Yeni səfir Prezident İlham Əliyevin qəbulunda oldu
Prezident Avstriyanın Azərbaycanda yeni təyin olunmuş səfirini qəbul etdi
