İş axtaranlara müjdə: Məşğulluq alt sistemi fəaliyyətə başladı
Əmək və Əhalinn Sosial Müdafiəsi Nazirlliyi (ƏƏSMN) “Məşğulluq” altsistemini (MAS) istifadəyə verib.
APA TV-nin məlumatına görə, bunu DOST mərkəzində baş tutan mətbuat konfransında Əmək və əhalinin sosial müdafiəsi nazirinin müavini Anar Əliyev deyib. Sözügedən layihə ölkədə işsizliyin minimuma endirilməsinə öz töhfəsini verəcək: “Birinci istiqamət sözsüz ki, vətəndaşlarımıza ünvanlanıb. Burada bizim işsiz və iş axtaran vətəndaşlarımız, həmçinin özünəməşğulluq proqramına müraciət etmək istəyən vətəndaşların məşğulluq xidməti orqanlarına qeydiyyata alınmaq üçün elektron formada, onlayn şəkildə müraciət edə biləcəklər”.
Nazir müavini işə götürən şəxslərin də “Məşğulluq” altsistemindən istifadə edə biləcəyini qeyd etdi: “İkinci istiqamətimiz işə götürənlərlə bağlıdır. İşə götürənlərində məşğuluq sahəsində öz vəzifələri var. Bu vəzifələrin icrası üçün biz işə götürənlər münasibətdə də bütün xidmətlərimizi elektronlaşdırmışıq. Məşğulluq altsistemi vasitəsi ilə bu xidmətlərin onlayn şəkildə həyata keçirilməsi təmin ediləcəkdir”.
Xatırladaq ki, işsiz və işaxtaranlar “E-sosial” və ya “e-gov.az” portalı vasitəsi ilə nazirliyin “Məşğulluq” altsisteminə daxil olaraq vakansiyalarla tanış ola və özləri üçün müraciət anketləri formalaşdıra bilər.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
