İki evdən oğurluq edən Quba sakini tutuldu
Qubada evlərdən oğurluq edən gənc saxlanılıb
DİN-in mətbuat xidmətinin Quba regional qrupundan APA TV-yə verilən məlumata görə, Polis Şöbəsinə rayon ərazisində yerləşən iki fərdi yaşayış evindən müxtəlif vaxtlarda bir ədəd velosiped, məişət avadanlıqları və geyim əşyalarının oğurlanması barədə müraciət daxil olub.
Keçirilən əməliyyat-axtarış tədbirləri nəticəsində oğurluğu törətməkdə şübhəli bilinən rayon sakini Ramin Teymurxanov saxlanılıb: “Məhəlləmizdə yaşayış olmayan iki evə oğurluğa girmişəm. Birindən velosiped, o birindən də ev əşyaları götürmüşəm. Əşyaları evimizin yanında olan yarımtikilidə gizlətmişəm, velosipedi isə satmışam. Ondan sonra polis əməkdaşları məni tutub və qalan əşyaları da gəlib gizlətdiyim yerdən götürüblər”.
Həmin velosipedin, eləcə də digər əşyaların yerləri polis əməkdaşları tərəfindən müəyyən edilərək maddi sübut kimi götürülüb.
Faktlarla bağlı cinayət işi başlanılıb.
Apa.tv
OXŞAR XƏBƏRLƏR
Bakıda Silahlı Qüvvələr Günündə hərbçilərin yürüşü keçirilib – “Ordumuz daim var olsun!”
Azərbaycan ordusu necə dünyanın ən güclü ordularından birinə çevrildi?
Prezident İran İslam Şurası Məclisinin sədrinin başçılıq etdiyi nümayəndə heyətini qəbul edib
Prezident TBMM-nin sədrinin rəhbərlik etdiyi nümayəndə heyətini qəbul edib
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
