Hacıqabuldakı yanğında 5 nəfər öldü – APA TV
Gecə radələrində Hacıqabul rayonunun Nəvahi qəsəbəsində 2 mərtəbəli taxta konsturksiyalı yaşayış binasında baş verən aynğın zamanı 5 nəfər həlak olub.
Hazırda hüquq-mühafizə orqanları hadisə yerində tdqiqat işləri aparırlar. Məcburi köçkün ailələrinin də yaşadığı 5 ailənin məskunlaşdığı 2 mərtəbəli 14 otaqlı əsas hissələri taxta konstruksiyadan ibarət binada yanğın qeydə alınıb. Güclü külək baş verən yanğının miqyasını daha da artırıb.
Binanın tavanının çökməsi nəticəsində 5 nəfər yanar konsturksiyaların altında qalaraq həlak olub. 2 nəfər yanıq xəsarətləri ilə Hacıqabul rayon xəstəxanasına yerləşdirlib. Hadisə zamanı Cəlilabad sakini, 1950-ci il təvəllüdlü Abışova Sara, onun qızı 1981-ci il təvəllüdlü Hacıqabul sakini, Abışova Aybəniz Yolçu qızı, övladları-2010-cu il təvəllüdlü Sadıqova Zəhra Elçin qızı, 2012-ci il təvəllüdlü Sadıqov Elgün Elçin oğlu və 1943-cü il təvəllüdlü Mahmudov Mütəllim Əliyar oğlu həlak olublar. Hadisə yerinə Fövqəladə Hallar Nazirliyinin 3 yanğınsöndürən avtomobili və canı qüvvəsi cəlb olunub. Alov ram edilib.
Faktla bağlı hüquq-mühafizə orqanları tərəfindən araşdırmalar aparılır.
Əlibəy Zeynallı
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
