Hacıqabulda polis koronavirusa yoluxan şəxslərin evinə baxış keçirib
Hacıqabulda Rayon Polis Şöbəsinin əməkdaşları Rayon Mərkəzi Xəstəxanasının həkim briqadası ilə birlikdə COVID-19 virusuna yoluxan və evində müalicə alan şəxslərlə bağlı reyd keçirib.
APA TV-nin Mil-Muğan bürosunun məlumatına görə, reyd zamanı məlum olub ki, koronavirus testinin nəticəsi pozitiv çıxan şəhər sakini, 1972-ci il təvəllüdlü Elşən Məzahir oğlu Əhmədov yaşadığı Xətai küçəsi, ev 6 ünvanını özbaşına tərk edərək epidemiya, sanitar-gigiyena və ya karantin rejimi qaydalarını pozub, bununla da digər şəxslərin COVID-19 virusuna yoluxmasına risklər yaradıb. Toplanılan materiallar əsasında E.Əhmədov barəsində cinayət işi açılıb.
Reyd zamanı testinin nəticəsi pozitiv çıxan rayonun Abdulabad kənd sakinləri - 1971-ci il təvəllüdlü Məmmədəli İmanverdi oğlu Səmədov və 1971-ci il təvəllüdlü Könül Əlifağa qızı Səmədova, H.Həmidov küçəsi-179 ünvanında yaşayan 1997-ci il təvəllüdlü Mərdan Sahib oğlu İbrahimov və 1-ci Udulu kənd sakini, 1960-cı il təvəllüdlü Azadxan Əlimusa oğlu Zülfəliyevin yaşadıqları ünvanları tərk etdikləri məlum olub. adı çəkilən şəxslər barəsində araşdırma aparılır.
Apa.tv
OXŞAR XƏBƏRLƏR
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
Birinci Türkoloji Qurultayın 100 illiyinə həsr olunmuş “Türk Dünyası Həftəsi”nin açılışı olub
Türk Dünyası Həftəsi ərzində Xankəndidə xüsusi konfrans keçiriləcək
Bakıda Silahlı Qüvvələr Günündə hərbçilərin yürüşü keçirilib – “Ordumuz daim var olsun!”
