Hacıqabul-Qalmaz qaz kəmərində yanğın baş verdi
Hacıqabul-Qalmaz qaz kəmərində yanğınla müşayət olunan partlayış baş verib
APA TV-nin Mil-Muğan bürosunun məlumatına görə, hadisə avqustun 7-də saat 20.35 radələrində Hacıqabul rayonu ilə sərhəd olan Abşeron rayonunun çöllük ərazisində qeydə alınıb.
Hacıqabul magistral qaz kəmərləri sahəsindən Qalmaz yeraltı qaz anbarını birləşdirən 750 mm-lik yüksək təzyiqli qaz kəmərində partlayış baş verib. Partlayışın episentrində 10 metr diametrində çuxur yaranıb. Partlayış alovla müşayət olunub. Yanğın 3 saata qədər davam edib.
Hadisə yerinə FHN yanğından mühafizə xidmətinin əməkdaşları cəlb olunub. Qaz kəmərində qazın verilişi dayandırılıb və təxminən 23.30 radələrində kəmərdə yanğın dayanıb. Hadisə yerinə hüquq-mühafizə orqanlarının əməkdaşları, “Azəriqaz” ASC-nin mütəxəsisləri və məsul şəxslər cəlb olunub. Qəzanın başvermə səbəbləri araşdırılır.
Hadisə nəticəsində xəsarət alan olmayıb.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
