Gürcüstanda ilaxır çərşənbə qeyd edildi
Gürcüstanda yaşayan Azərbaycanlılar Tbilisidə ilaxır çərşənbəsini qeyd ediblər. APA-nın Tbilisi müxbiri xəbər verir ki, bayram şənliyi Azərbaycanın Gürcüstandakı səfirliyinin, Mirzə Fətəli Axundov adına Azərbaycan mədəniyyəti mərkəzinin təşkilatçılığı, Tbilisi meriyasının dəstəyi ilə baş tutub. Tədbirdə çıxış edən Azərbaycanın Gürcüstandakı səfiri Faiq Quliyev qeyd edib ki, türk xalqlarının qeyd etdiyi qədim Novruz bayramın tarixi minillərə gedir. Səfir bayram tədbirində iştirak edən digər ölkələrdən olan qonaqlara təşəkkür edib. Qonaqlara Azərbaycan mətbəxinin ləziz təamları, bayram şirnliyyatları və adət-ənənələri, eləcə də milli musiqi və rəqs nümunələri təqdim edilib.
Bayram şənliyində tonqal qalanıb. Mirzə Fətəli Axundov adına Azərbaycan mədəniyyəti mərkəzinin həyətində keçirilmiş tədbirdə Tbilisi Sakrebulosunun (şəhər şurası) sədri Giorgi Tkemaladze, Tbilisi meriyasının nümayəndələri, müxtəlif səfirliklərin nümyəndələri, gürcü və azərbaycanlı ziyalılar, iş adamları, incəsənət xadimləri, müğənnilər iştirak ediblər.
Azərbaycanlı qardaşlarımızı Novruz bayramı münasibətilə təbrik edirəm, bu bayramı burada birlikdə qeyd-etmək olduqca gözəldir. Çox gözəl ənənələriniz var və tarixən bizim aramızda birlik-bərabərlik olub. Biz dost və qardaş xalqlarıq və digər sahələrlə yanaşı mədəniyyət sahəsində də əlaqələrimizin inkişaf etdirilməsi olduqca vacibdir.
Bayram şənliyində tonqal da qalanıb.
Apa.tv
OXŞAR XƏBƏRLƏR
Köç edən ailələrə mənzillərin açarları təqdim olunub
Növbəti köç karvanları yola salınıb
Dövlət başçısı İordaniya Kralını Azərbaycana səfərə dəvət etdi
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
