“Güney Azərbaycan məsələsi beynəlxalq mediada” adlı dəyirmi masa keçirildi
Topçubaşov Mərkəzinin təşkilatçılığı ilə “Güney Azərbaycan məsələsi beynəlxalq mediada” adlı dəyirmi masa keçirilib. Görüşdə Azərbaycanda səfərdə olan güney azərbaycanlı fəallar Əhməd Obalı, Sadiq İsabəyli və Çingiz Göytürk, həmçinin Azərbaycan ekspert və akademik icmasının nümayəndələrinin iştirakı ilə Güney Azərbaycanda baş verən etnik və mədəni diskriminasiya barəsində, həmçinin bu məsələlərin beynəlxalq aləmdə işıqlandırılması müzakirə olunub. Qeyd edilib ki, Güney Azərbaycan məsələsi ilə bağlı İranda son dövrlərdə baş verən proseslər – xalq etirazları, ekoloji fəlakətlər, etnik diskriminasiya həmin ölkədə yaşayan milyonlarla azərbaycanlının mövcud vəziyyəti və gələcək taleyi ilə bağlı böyük narahatlıq yaradır. İran cəmiyyətində sayca və keyfiyyətcə üstün mövqedə olan azərbaycanlılar hələ də bir çox hallarda fundamental insan hüquqlarından məhrum olur və etnik ayrı-seçkiliyə məruz qalırlar. Ümumilikdə, İran və orada daxili dinamika beynəlxalq mətbuat tərəfindən işıqlandırılsa da, güney azərbaycanlıların problemləri gündəmə düşmür.
Fuad Sadıqov
Fariz Quluyev
APA TV
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
