Güləşçilərimizdən hakimlərə etiraz - NUR-SULTANDA QALMAQAL
Qazaxıstanın paytaxtında keçirilən dünya çempionatında Azərbaycan güləşçiləri xoşagəlməz hadisə ilə üzləşib.
APA TV-nin məlumatına görə, əvvəlcə 65 kq çəki dərəcəsində çıxış edən Hacı Əliyev 2 il əvvəl finalda məğlub edib dünya çempionu adını qazandığı rusiyalı Hacımurad Rəşidovla görüşdən sonra hakim qərarı ilə razılaşmayıb.
Son saniyələrə qədər 2:3 hesabı ilə uduzarkən onun fəndi 2 xalla qiymətləndirilib. Rəqibin etirazından sonra bu xallar silinib və rusiyalı 4:2 hesabı ilə qalib gəlib.
H.Əliyev etirazını nümayişkaranə şəkildə göstərib. O, qalibi elan etmək istəyən hakimə yaxınlaşmayıb. H.Əliyev hakimlərlə sərt mübahisə edib, əl tablosunu götürərək hakimlərə “qırmızı” göstərib və yerə çırpıb.
Qeyd edək ki, H.Əliyev üçqat Dünya və üçqat Avropa çempionudur.
Daha bir pəhləvanımız - Mahir Əmiraslanov da diqqət mərkəzinə düşüb.
57 kq çəki dərəcəsində rusiyalı Zaur Uquyevlə 3:4 hesabı ilə uduzan sərbəst güləşçimiz öncə rəqibi ilə mübahisə edib. Daha sonra hakim qalibi elan etmək istərkən əlini ona uzatmayıb.
Hakim təkcə rusiyalının əlini tutaraq yuxarı qaldırıb.
Apa.tv
OXŞAR XƏBƏRLƏR
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
