Göyçayda tövlədə başlayan yanğın evə keçib
Göyçay rayonunda yanğın hadisəsi baş verib. APA TV-nin yerli bürosunun xəbərinə görə, hadisə rayonun Çayarxı kəndində qeydə alınıb.
Kənd sakini, 1983-cü il təvəllüdlü Elman İlqar oğlu Salmanova məxsus evin həyətindəki ümumi sahəsi 40 kvadrat metr olan tövlədə yanğın olub. Alov qısa vaxtda tövlədən yaxınlıqdakı evə keçib. Nəticədə ümumi sahəsi 260 kvadratmetr olan 4 otaqlı evin 100 kvadratmetrlik hissəsi, tövlə və 2 ton ot yanıb.
Yanğını söndürmək üçün əraziyə FHN-in Göyçay Dövlət Yanğından Mühafizə Hissəsinin 3 avtomobili, Ucar rayonundan isə 1 yanğınsöndürən avtomobili cəlb edilib. Yanğınsöndürənlər alovun genişlənməsinin qarşısını alıb. Evdə baş verən yanğın tam söndürülüb.
Hadisənin hansı səbəbdən baş verdiyi hələ ki, məlum deyil. Faktla bağlı araşdırma aparılır.
Şahnəzər Bəşirov
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
