Göyçayda ev yandı, yaşlı qadın qorxudan öldü
Göyçayda ölümlə nəticələnən yanğın hadisəsi baş verib.
APA TV-nin yerli bürosu xəbər verir ki, hadisə rayonun Ləkçıplaq kəndində qeydə alınıb.
Kənd sakini, 1941-ci il təvəllüdlü Malikə Qarayevaya məxsus ümumi sahəsi 160 kvadratmetr olan birmərtəbəli evdə baş verən yanğın nəticəsində mənzil tamamilə yanıb.
Ev sahibi 79 yaşlı Malikə Qarayeva qorxu və həyəcan keçirdiyi üçün ürək tutması səbəbindən dünyasını dəyişib.
Yanğının söndürülməsi üçün əraziyə Göyçay Dövlət Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub.
Yanğınsöndürənlər alovun yaxınlıqdakı tikililərə keçməsinin qarşısını alıblar, yanğın tam söndürülüb. Hadisənin hansı səbəbdən baş verdiyi hələ ki, məlum deyil.
Faktla bağlı araşdırma aparılır.
Şahnəzər Bəşirov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
