Gəncədəki qətl necə baş verib? – Ata içəri girib və ...
Gəncədə qardaşın bacısını öldürməsi ilə bağlı təfərrüatlar məlum olub. Məlumata görə bacı və qardaş arasında sosial şəbəkədən istifadəyə görə başlayan davanı əvvəlcə ataları ayırıb. Digər otağa keçən ata sonradan mübahisənin yenidən qızışdığını görərək övladlarının olduğu otağa geri qayıdıb. Bu zaman o, oğlunun bacısına bıçaqla ağır xəsarət yetirdiyini görüb. Qonşuların sözlərinə görə ailə üzvləri arasında daha əvvəllər dava-dalaşın olması müşahidə edilməyib. 21 yaşlı Pəri Allahverdizadə boğaz nahiyəsindən aldığı ağır bıçaq xəsarəti nəticəsində hadisə yerindəcə dünyasını dəyişib. Müddətdən artıq hərbi xidmət qulluqçusu və idmançı olan Əli Allahverdizadə isə hadisədən sonra evi tərk etməyib və polisə könüllü təslim olub. Faktla bağlı Gəncə şəhər Prokurorluğunda cinayət işi açılıb. Əməliyyat-istintaq tədbirləri davam etdirilir. Qeyd edək ki, hər ikisi 2001-ci il təvəllüdlü olan Pəri Allahverdizadə ilə Əli Allahverdizadə arasında mübahisənin səbəbi qızın "Instagram" sosial şəbəkəsindən istifadə etməsi olub. Faktla bağlı Gəncə şəhər prokurorluğunda araşdırma aparılır. Fuad Nazimoğlu, APA TV, Gəncə
Apa.tv
OXŞAR XƏBƏRLƏR
“Ailəsi ilə əlaqə saxladı, 15 dəqiqə sonra şəhid oldu” - Qanlı döyüşlərdən zəfərə
ADEX 2026-nın ikinci günündən maraqlı görüntülər
Bir vaxtlar səssizliyə qərq olan bu dağlarda indi həyat qaynayır
Cəbrayıl, Xocavənd, Xocalı və Ağdərəyə növbəti köç
İlham Əliyev Birləşmiş Krallığının müdafiə üzrə dövlət nazirini qəbul etdi
