Gəncədə daha iki orta məktəb koronavirusa görə bağlandı
Gəncə daha iki orta məktəb koronavirus infeksiyası səbəbindən distant təhsilə keçib.
Bu barədə APA TV-yə Gəncə şəhər Təhsil İdarəsinin müdiri Anar Qədiməliyev bildirib.
Onun sözlərinə görə, 31 nömrəli tam orta məktəbdə 4 şagirddə virus aşkarlanıb, 36 nömrəli tam orta məktəbdə isə 3 müəllimin COVID-19 infeksiyasına yoluxmaları təsdiq olunub.
Məktəbin direktoru Eliyanura Əsgərovanın sözlərinə görə, məktəbdə koronavirusa yoluxan şagirdlər 5, 7 və 9-cu sinif şagirdləridir: “Həmin gündə bizə GEM-dən məlumat gəldi. 5 nömrəli qərara əsasən ayın 11-dən məktəbimiz müvəqqəti olaraq tədrisi 14 gün müddətinə dayandırıb. Biz distant təhsilə keçdik. Hal-hazırda müəllim və şagirdlərimiz distant təhsillə məşğul olurlar. Həmin şagirdlərlə təmasda olan müəllim və şagirdlərin siyahısını poliklinikaya göndərdik. Onlarda heç bir virus aşkarlanmadı”.
COVID-19 infeksiyası aşkarlan digər məktəb isə Aşıq Ələsgər adına 36 nömrəli tam orta məktəbdir. Bu məktəbdə koronavirusa görə distant təhsilə keçib: “825 şagird məktəbimizdə təhsil alır. Onların təlim tərbiyəsi ilə 86 nəfər müəllim məşğul olur. Bizim müəllimələrimiz axşam zəng elədi ki, özümüzü narahat hiss edirik. Səhər gedib analiz veriblər. GEM-dən bizə məktub gəldi, bildirildi ki, 3 müəllimdə virus aşkarlanıb. 4 nömrəli qərara əsasən məktəb bağlanıb”.
Qeyd edək ki, bundan əvvəl də Gəncədə daha iki məktəb distant təhsilə keçib.
Fuad Nazimoğlu,
Mehdi Məmmədov,
APA TV
Apa.tv
OXŞAR XƏBƏRLƏR
Bakıda Silahlı Qüvvələr Günündə hərbçilərin yürüşü keçirilib – “Ordumuz daim var olsun!”
Azərbaycan ordusu necə dünyanın ən güclü ordularından birinə çevrildi?
Prezident İran İslam Şurası Məclisinin sədrinin başçılıq etdiyi nümayəndə heyətini qəbul edib
Prezident TBMM-nin sədrinin rəhbərlik etdiyi nümayəndə heyətini qəbul edib
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
