Fəttah Heydərov I Fəxri Xiyabanda dəfn edilib
Azərbaycan Milli Məclisinin deputatı, Ağsaqqallar Şurasının sədri Fəttah Heydərov I Fəxri Xiyabanda dəfn olunub.
Karantin rejiminin tələblərinə uyğun olaraq dəfn mərasimində mərhumun ailə üzvləri və yaxınları iştirak edib.
Fəttah Heydərov 1938-ci il fevralın 23-də Naxçıvan MR Babək rayonunun Çeşməbasar kəndində anadan olub. Azərbaycan Dövlət Universitetinin mexanika-riyaziyyat fakültəsini, daha sonra isə Bakı Ali Partiya Məktəbini bitirib.
Əmək fəaliyyətinə 1955-ci ildə Babək rayonu Güznüt kənd klubunun müdiri kimi başlayıb. Sonrakı illərdə Çeşməbazar səkkiz illik məktəbinin müəllimi, Naxçıvan Vilayət Partiya Komitəsinin təlimatçısı, Ordubad Rayon Partiya Komitəsinin ikinci katibi işləyib. 1970-1990-cı illərdə Naxçıvan şəhər və Ordubad rayon XDS-in deputatı seçilib.
1976-1978-ci illərdə Naxçıvan MSSR Əhaliyə Məişət Xidməti naziri olub.
1978-ci ildən Ordubad, 1986-cı ildən Culfa Rayon Partiya Komitəsinin I katibi, 1983-cü ildən Naxçıvan MR Mədəniyyət naziri işləyib.
1990-1995–ci illərdə Naxçıvan MR Ali Sovetinin deputatı olub. Azərbaycan Respublikası Milli Məclisinin 5 çağırış deputatı seçilib.
Azərbaycan Ağsaqqallar Şurasının sədri idi.
Azərbaycan Prezidenti tərəfindən “Şöhrət”, “Şərəf” və “İstiqlal” ordenləri ilə təltif edilib.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
