Fələstin səfiri Suqovuşana səfərindən təsirləndiyini deyib
“Mən bu səfərdən təsirlənmişəm. Əslində bu, mənim Qarabağa ilk səfərim deyil, azad olunmuş torpaqların çox hissəsinə səfər etmişəm. Ancaq təbii ki, bu əraziyə , Suqovuşana ilk səfərimdir”.
APA TV xəbər verir ki, bunu Suqovuşanda səfərdə olan Fələstinin Azərbaycandakı səfiri Nasir Əbdül Kərim deyib.
Səfir bildirib ki, bu səfərində də digər səfərlərində olduğu kimi çox təsirlənib:
“Qarabağda yenidən qurma və tikinti işlərində Azərbaycan xalqının və hökumətinin qərarlılığı və sürəti təsirlidir. Bu, regionun sənaye potensialını göstərir, eyni zamanda, Azərbaycan hökumətinin baxışını əks etdirir. Bütün bunlar mənə optimizm hissi verir. Bu, müharibə erasından sülh erasına keçidi göstərir. İnkişaf, konstruksiya davam edir. Azərbaycanlılar sülh içində yaşamağı haqq edir”.
“Mən müqəddəs yerlərin dağıdıldığını gördüm və fikrim budur ki, istənilən din və inanclara aid müqəddəs yerlər dağıdılmamalıdır”, - deyə səfir əlavə edib.
Apa.tv
OXŞAR XƏBƏRLƏR
Prezident İlham Əliyevin Türkmənistan Prezidenti ilə geniş tərkibdə görüşü olub
Azərbaycan ilə Türkmənistan arasında imzalanmış sənədlər mübadilə olunub
Türkmənistan Prezidentinin Bakıda rəsmi qarşılanma mərasimi olub
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
