Ətin qiyməti nə qədər artıb? - VİDEO
Son günlər sosial şəbəkələrdə və bəzi xəbər saytlarında ölkədə ətin qiymətinin 3-4 manat qalxması ilə bağlı müxtəlif məlumatlara rast gəlirik.
Bu məlumatların həqiqi olub-olmadığını öyrənmək üçün, bazara üz tutduq.
Bir neçə satıcı ilə apardığımız söhbət zamanı məlum oldu ki, ətin qiymətində artım var, amma söylənilən səviyyədə deyil. Artım sümüklü mal ətində bir manat, bir manat 50 qəpik civarında olub.
Quzu ətinin qiymətinə gəlincə isə, satıcılar deyir ki, indi quzu ətini 12-13 manata deyil, 14 manata satırlar.
Satıcılar bayram günləri ilə müqayisədə daha az ət satdıqlarını, bunun da bəzən qiymətlərə təsir etdiyini söyləyiblər. Heyvanların daxili orqanlarının satış qiymətində isə dəyişiklik olmayıb. Əksinə tələbat azdır deyə, bəzi həftələrdə daha ucuz qiymətə satılır.
Bazarda hinduşka və toyuq ətinin qiyməti isə bayramdan əvvəlki qiymətə satılır. Hinduşka 11, toyuq əti 5 manata.
İqtisadçı ekspert Natiq Cəfərlinin fikrincə, ət və ət məhsullarındakı qiymət dəyişikliyi daxili bazarda gedən proseslərin nəticəsidir. Üstəlik mövsüm amili də bazara təsir göstərir. Onun fikrincə, qiymətlərin bu səviyyədə qalması yaz aylarına - təbii yemin və otun olmasına qədər davam edəcək.
Ekspert deyir ki, qış aylarında fermerin xərcləri artır. Bu da öz növbəsində ət və ət məhsullarının qiymətinin yüksəlməsinə səbəb olur.
Apa.tv
OXŞAR XƏBƏRLƏR
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
Şəmkirdə aqrar sahənin inkişafına həsr olunan regional müşavirə keçirilib
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
