Ermənistan parlamentində “türk agenti” davası
Son vaxtlar Ermənistan parlamentində deputatların bir-biri ilə davası adi hala çevrilib.
Növbəti analoji hadisə Hayastan blokunun deputatı Aqnesa Hamoyanla parlamentin vitse-spikeri Ruben Rubenyan arasında olub. Hamoyan vitse-spikeri “Türk agenti” adlandırıb.
Dava Ermənistanın Türkiyə ilə danışıqlar üçün xüsusi nümayəndəsi Ruben Rubinyanın 2 ölkə arasında münasibətlər barədə çıxışından sonra düşüb. Müxalif deputatlar proseslərin ictimaiyyətdən gizli aparıldığını iddia ediblər. “Hayastan” fraksiyasının nümayəndəsi Hamoyan Rubinyanın Türkiyədə təcrübə keçdiyini, xüsusi araşdırmalar apardığını vurğulayıb və onu “Türk agenti” adlandırıb.
Rubinyan isə cavabında belə iddiaların əsassız olduğunu bildirib.
“Moskvada Türkiyə və Ermənistan xüsusi nümayəndələrinin görüşü zamanı Ankara nümayəndəsinin avtomobilində Türkiyə bayrağı olduğu halda, niyə Rubinyanın maşınında Ermənistan bayrağı olmayıb”- deyə narazlılıq edən “Ermənistan” fraksiyasının deputatı Qeqam Manukyan vitse-spikerin protokol qaydalarını pozduğunu bildirib. Bu iddiaya “Ermənistan” fraksiyasının katibi Arçvik Minasyan da qoşulub.
Deputatlara cavab olaraq Rubinyan bildirib ki, onu Türkiyə tərəfi ilə danışıqlarda ittiham etməyə davam edərlərsə, buna səbr nümayiş etdirməyəcək.
Daha sonra o, müxalifətlə iqtidaryönlü deputatlar arasında yaranan mübahisəyə görə iclası yarımçıq dayandırıb.
Apa.tv
OXŞAR XƏBƏRLƏR
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
Şəmkirdə aqrar sahənin inkişafına həsr olunan regional müşavirə keçirilib
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
