Elə bir telekanal açmaq olar ki, Azərbaycan dili və tarixindən danışılsın - Sabir Rüstəmxanlı
“Bir vaxt Bakıda Araz radiostansiyası fəaliyyət göstərirdi, gedib Kremlin yanında oturub onu dinləyə bilirdin. Hər yerdə bu radionu dinləmək mümkün idi. İndi texnika, texnologiya inkişaf edib, amma bu sahədə problem qalır. Bu məsələ həllini tapmalıdır. Müasir texnologiyanın inkişaf etdiyi dövrdə bizim hava məkanımıza asanlıqla daxil olmaq mümkün olmamalıdır. Bu, məsuliyyətsizlikdən doğur”.
Bunu Milli Məclisin bu gün keçirilən iclasında deputat Sabir Rüstəmxanlı deyib.
Deputat bildirib ki, Azərbaycan Prezidentinin xaricdə yaşayan soydaşlarımızla bağlı məlum və məşhur çıxışından sonra müəyyən məsələlər səslənir: “Qaldırılan məsələlər həll edilməlidir. Bizim ölkəmizdə yaşayan vətəndaşlarımızdan bir neçə dəfə çox olan soydaşımız xaricdə, müxtəlif ölkələrdə yaşayır. Onların hamısında məktəb açmaq mümkün deyil. Amma elə bir telekanal açmaq olar ki, Azərbaycan dili, ədəbiyyatı və tarixindən danışılsın. Demirəm ki, bu iş mənə tapşırsınlar. Bu işi bilənə versinlər, mütəxəssislər toplasınlar. Bu televiziya səhərdən axşama dərs keçsin. Bu, qlobal Azərbaycan məktəbi olacaq”.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
