Dövlət Komitəsi: Azərbaycanda 942 dini qurum qeydiyyatdan keçib
“Azərbaycanda digər dinlərə aid icmaların qeydiyyata alınması, onların ölkəmizdə sərbəst formada fəaliyyət göstərməsi ölkəmizin dini məsələlərə tolerant münasibət göstərməsinin nəticəsidir”.
APA TV-nin xəbərinə görə, bunu Dini Qurumlarla İş üzrə Dövlət Komitəsinin sədri Mübariz Qurbanlı bildirib.
Onun sözlərinə görə, Azərbaycanda 942 dini qurum qeydiyyatdan keçib. Onlardan 907-si İslam, 35-i qeyri-islam dini icmalarıdır: "Prezident İlham Əliyevin sərəncamı ilə hər il dini konfessiyalara maddi dəstək ayrılır. Həmçinin Mənəvi Dəyərlərin Təbliği Fondunun xətti ilə müsəlman dini icmalarına yardımlar göstərilir. Məscidlərdə çalışan din xadimlərinə də maddi yardım göstərilir".
Qeyd edək ki, ölkə ərazisində ümumilikdə 2250 məscid var ki, onların da 136-sı Bakıda yerləşir. Bundan əlavə, ölkə ərazisində 14 kilsə, 7 sinaqoq fəaliyyət göstərir.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
