DİN məktəbə hücumla bağlı məlumat yaydı
Tərtərdə məktəbə hücum olunması ilə bağlı iddialar əsassızdır.
APA TV xəbər verir ki, bu barədə Lent.az-a Daxili İşlər Nazirliyinin mətbuat xidmətinin Bərdə regional qrupunda bildirilib. Məlumata əsasən, Tərtər rayon Şıxarx qəsəbəsindəki 2 saylı tam orta məktəbə hücum edilməsi ilə bağlı yayılan məlumat rayon Polis Şöbəsinin əməkdaşları tərəfindən araşdırılıb:
"Məktəbə hər hansı hücum olması ilə bağlı iddialar təsdiqini tapmayıb.
Qeyd etmək istərdik ki, İkinci Qarabağ müharibəsi zamanı Silahlı Qüvvələrimizə qarşı cavab tədbirləri görə bilməyən erməni hərbi birləşmələri evlərə və digər mülki obyektlərə raket və artilleriya zərbələri endiriblər. Bu atəşlər nəticəsində evləri zərər görmüş Şıxarx qəsəbə sakinləri və bir neçə köçkün ailələri həmin məktəbdə müvəqqəti yerləşiblər. Ötən müddət ərzində yaşayış yerləri tam hazır olmayan bir neçə ailə hal-hazırda orada yaşayır. Məktəbdə avadanlıqlara ziyan dəyməsi və dağınıqlığın yaranması isə nəzarətsizlik səbəbindən baş verib.
Hazırda Tərtər rayon Polis Şöbəsində araşdırmalar davam etdirilir", - deyə məlumatda qeyd olunub.
Apa.tv
OXŞAR XƏBƏRLƏR
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
Şəmkirdə aqrar sahənin inkişafına həsr olunan regional müşavirə keçirilib
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
