Daha bir obyekt sahibi karantin qaydalarını pozdu - MÜŞTƏRİLƏRİ DƏ CƏRİMƏLƏNDİ
Paytaxtın Binəqədi qəsəbəsində xüsusi karantin rejim qaydalarına zidd olaraq gizli fəaliyyət göstərən çay evi aşkar edilib.
DİN mətbuat xidmətindən APA TV-yə verilən məlumata görə, rayon Polis İdarəsinin 43-cü Polis Bölməsinin əməkdaşları tərəfindən keçirilən tədbir zamanı qəsəbə ərazisində Səfalı Rüstəmovun qanunsuz olaraq özünə məxsus “Buta” adlı çay evi işlətdiyi məlum olub.
Obyektə baxış zamanı orada olan müştərilərin xüsusi karantin qaydalarını pozduqları müəyyən edilib.
Obyektin sahibi Səfalı Rüstəmov və müştərilər saxlanılaraq Polis Bölməsinə aparılıblar.
Xüsusi karantin qaydalarını pozan müştərilər 100 manat miqdarında cərimə ediliblər.
Obyektin sahibi Səfalı Rüstəmovun qanunsuz əməlinə hüquqi qiymət verilməsi üçün barəsində toplanan material məhkəməyə göndərilib.
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
