Co Bayden Avropaya səfər edir
ABŞ Prezidenti Co Bayden Böyük Yeddilik Qrupu (G7) və NATO sammitlərində iştirak etmək üçün Avropaya səfər edir. APA xəbər verir ki, bu barədə TASS agentliyi məlumat yayıb.
Bildirilir ki, ABŞ dövlət katibi Entoni Blinken də səfərdə iştirak edəcək.
G7 liderlərinin görüşü iyunun 26-28-də Almaniyanın cənubundakı Qarmiş-Partenkirxen şəhəri yaxınlığındakı Elmau qəsrində, NATO sammiti isə iyunun 28-30-da Madriddə keçiriləcək. Hər iki tədbirin əsas mövzularından birinin Ukrayna ətrafındakı vəziyyət olacağı gözlənilir.
Amerika administrasiyasının nümayəndəsinin daha əvvəl jurnalistlərə verdiyi məlumata görə, Birləşmiş Ştatlar Kiyevə hərbi yardımın göstərilməsi və onun mümkün genişləndirilməsi ilə bağlı məsələlərin fəal müzakirəsinə ümid edir.
G7 liderləri həmçinin Rusiyaya təzyiqin artırılmasını müzakirə edəcəklər. Ukrayna Prezidenti Vladimir Zelenski hər iki sammitdə videobağlantı vasitəsilə çıxış edəcək.
Apa.tv
OXŞAR XƏBƏRLƏR
İlham Əliyev Rusiyanın Çeçenistan Respublikasının başçısını qəbul etdi
Şübhəli binada əməliyyat: 1 nəfər dedilər, amma yerin altından 8 nəfər çıxdı
Bakının yaddan çıxan təbiət guşəsi – “Pitomnik”dən REPORTAJ
Prezident Xəzər Ekoloji Sammitinin geniş tərkibdə iclasında çıxış edib
İlham Əliyev MDB Dövlət Başçıları Şurasının məhdud tərkibdə iclasında iştirak etdi
