Çin səfirliyi İsraildə nazirliklərə GÖRÜN NƏ GÖNDƏRDİ
Çinin səfirliyinin İsrailin hökumət üzvlərinə hədiyyə etdiyi səyahət fincanlarında şübhəli casus avadanlığı aşkarlanıb.
APA xəbər verir ki, bu barədə İsrail mediası məlumat yayıb.
Bildirilib ki, hədiyyələrin yoxlanışı zamanı Çin səfirliyindən göndərilmiş səyahət fincanlarda şübhəli avadanlıq aşkarlanıb.
Adı açıqlanmayan İsrail rəsmisi şübhəli termosun Çin səfirliyi tərəfindən İsrailin İnnovasiya, Elm və Texnologiya Nazirliyinə göndərildiyini və ehtimal ki, nazir Orit Farkaş Hakoheni hədəf aldığını bildirib.
Oxşar hədiyyənin nəqliyyat naziri Merav Mikaelinin ofisinə də göndərildiyi məlum olub. Hər iki nazirin Çinin İsraildə maraqlı olduğu infrastruktur layihələri ilə əlaqəli olduğu bildirilir.
Aşkarlanan şübhəli avadanlığın gizli dinləmə cihazı olduğu ehtimal edilir.
Hökumət üzvlərinə xarici qurumlardan hədiyyə qəbul edərkən dinləmə cihazı və ya kameralar ola biləcəyi ehtimalına görə son dərəcə diqqətli olmaları tapşırılıb.
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
