Cənub bölgəsindəki rayonlar arasında postlar qurulub
Koronavirus infeksiyasının ölkədə yayılmasının qarşısının alınması məqsədilə ölkədə xüsusi karantin rejiminin elan edilməsi ilə bağlı bir rayondan digərinə giriş-çıxış qadağan edilib.
APA Tv-nin cənub bürosunun verdiyi məlumata görə, karantin rejimi çərçivəsində cənub bölgəsindəki rayonlar arasında da postlar qurulub. Bu addım ölkə ərazisində koronavirus pandemiyasının yayılmasının qarşısını almaq üçün atılıb. Koronavirus infeksiyasına yoluxmuş şəxslərin digər rayonlardakı insanları yoluxdurmaması məqsədilə postlarda vətəndaşların hansı rayonun sakini olduğu yoxlanılır. Operativ nəqliyyat vasitələri, təcili tibbi yardım maşınları, o cümlədən iş yeri başqa rayon olan şəxslər istisna olmaqla digərləri geriyə, sakini olduğu rayona qaytarılır.
Sakinlər də koronavirus infeksiyasının yayılmasına qarşı görülən bu tədbirləri təqdirəlayiq hesab etdiklərini bildiriblər.
Qeyd edək ki, koronavirus infeksiyasının ölkədə yayılmasının, onun törədə biləcəyi fəsadların qarşısının alınması məqsədilə Azərbaycan ərazisində aprelin 20-dək xüsusi karantin rejimi elan edilib.
Apa.tv
OXŞAR XƏBƏRLƏR
Dövlət başçısı İordaniya Kralını Azərbaycana səfərə dəvət etdi
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
