Cəlilabadda çardaq maşının üstünə düşüb
Ölkə ərazisinə yağan qar Cəlilabadda bir sıra fəsadlar törədib.
Şəhərin bir neçə küçələrində iri gövdəli ağaclar qarın ağırlığına tab gətirməyərək yollara, tiklilərin üzərinə, eləcə də səkilərə aşıb. Bir sıra ərazilərdə nəqliyyat vasitələrinin hərəkətində çətinliklər yaranıb. Bu gün səhər saatlarından etibarən müxtəlif dövlət qurumları gücləndirilmiş iş rejimində çalışaraq baş verən fəsadların aradan qaldırılması istiqamətində işlərə başlayıb.
Qar kütləsinin ağırlığından şəhərin Fərid Əhmədov küçəsində Saməddin Muradova məxsus fərdi yaşayış evinin çardağı çöküb. Nəticədə ev sahibinə məxsus şəxsi avtomobilə də ziyan dəyib.
Qarın yağması yalnız problemlərlə deyil, sevincli anlarla da yadda qalıb. Bu sevincdən daha çox uşaqlara pay düşüb.
Qeyd edək ki, bu gün günorta saatlarından etibarən bölgədə qarlı hava müşahidə edilmir.
Sinoptiklər havanın tədricən mülayimləşəcəyini bildirirlər.
Apa.tv
OXŞAR XƏBƏRLƏR
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
Azərbaycandan tranzit keçməklə Ermənistana propan və gübrə göndərilib
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
