Britaniya MN: Rusiya Ukraynada 450 hərbçisini itirib
Rusiya müharibənin ilk günü hərbi məqsədlərinə çata bilməyib.
APA TV-nin xəbərinə görə, bu barədə Böyük Britaniya Müdafiə Nazirliyinin kəşfiyyat xidmətinin məlumatında bildirilib.
Qeyd olunub ki, Ukrayna Ordusu Rusiya bölmələrinin Çerniqov istiqamətində hücumunu dəf edib, lakin döyüşlərin şəhər ətrafında davam etdiyi ehtimal edilir.
Kəşfiyyat məlumatında o da bildirilib ki, Ukrayna Ordusu cəbhənin bütün cinahları boyunca Rusiya qoşunlarına şiddətli şəkildə müqavimət göstərib.
Məlumatda Rusiya hərbçilərinin Çernobıl Atom Elektrik Stansiyasının ərazisini işğal etdiyi və stansiyanın əməkdaşlarının saxlanıldığı qeyd olunub.
Böyük Britaniyanın müdafiə naziri Ben Uolles isə Rusiya Ordusunun Ukraynaya hərbi müdaxilə zamanı 450 hərbçisini itirdiyini açıqlayıb.
Apa.tv
OXŞAR XƏBƏRLƏR
Azərbaycan və Laos arasında birgə bəyanat qəbul edildi
Laos Prezidentinin rəsmi qarşılanma mərasimi oldu
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
