Boşadığı 4 uşaq anasının boğazını küçədə kəsdi - GƏNCƏDƏ
Gəncədə bıçaqlanma hadisəsi baş verib.
APA TV-nin yerli bürosunun məlumatına görə, hadisə şəhərin Bayan küçəsində qeydə alınıb.
Şəhər sakini, 1977-ci il təvəllüdlü Mustafayeva Natəvan Sabir qızı işə gedərkən küçədə keçmiş həyat yoldaşı Məhərrəm Sirati tərəfindən bıçaqlanıb.
“Dəhşətli hadisə gördüyünüz bu ərazidə qeydə alınıb. Belə ki səhər saatlarında 42 yaşlı Natavan Mustafayev işə gedən zaman onun həyat yoldaşı ona yaxınlaşaraq arxadan ona bir neçə bıçaq zərbəsi vurub və boğazını kəsib. Xəstə yaxınlıqdakıların köməkliyi ilə xəstəxanaya yerləşdirilib, dərhal əməliyyat olunub. Onun vəziyyətinin orta ağır olduğu bildirilir”.
Qonşuların sözlərinə görə, Natəvan Mustafayeva sakit, tərbiyəli və zəhmətkeş anadır və uşaqlarının tərbiyəsi ilə ciddi məşğul olur. Rəsmi boşanmasına baxmayaraq, keçmiş həyat yoldaşı tərəfindən dəfələrlə narahat edilib.
Xatırladaq ki, Natəvan Mustafayeva 4 uşaq anasıdır.
Hadisəni törədən Məhərrəm Sirati saxlanılıb.
Faktla bağlı araşdırma aparılır.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
