Biləsuvarda mikroavtobus aşdı - 1 NƏFƏR ÖLDÜ, 5 NƏFƏR YARALANDI
Biləsuvarda ağır yol qəzası baş verib.
APA TV-nin cənub bürosunun verdiyi xəbərə görə, mikroavtobus aşıb, bir nəfər ölüb, 5 nəfər yaralanıb.
Yol-nəqliyyat hadisəsi Ələt-Astara-İran İslam Respublikası ilə dövlət sərhədi avtomobil yolunun Biləsuvar rayonundan keçən hissəsində baş verib. Mikroavtobus idarəetmədən çıxaraq aşıb və nəqliyyat vasitəsinin içində olan şəxslərdən 1 nəfər dünyasını dəyişib, 5 nəfər müxtəlif dərəcəli bədən xəsarətləri alıb. Yaralılardan Astara rayon sakinləri olan 1981-ci il təvəllüdlü Natiq Süleymanov, 1982-ci il təvəllüdlü Əsmər Qəhrəmanova, 2005-ci il təvəllüdlü Rəqsanə Süleymanlı və Masallı rayon sakini, 1982-ci il təvəllüdlü Ruslan Məmmədov Biləsuvar Rayon Mərkəzi Xəstəxanasına yerləşdiriliblər. Digər xəsarət alan şəxs, Astara rayonu Şahağacı kənd sakini, 1990-cı il təvəllüdlü Şəhriyar Mirzəyev isə Lənkəran Rayon Mərkəzi Xəstəxanasına çatdırılıb və vəziyyəti ağır qiymətləndirilir. Hazırda ölən şəxsin kimliyi müəyyənləşdirilir.
Faktla bağlı araşdırma aparılır.
Tural Kərimov
Rövşən Əzimov
APA TV. Biləsuvar
Apa.tv
OXŞAR XƏBƏRLƏR
Bakıda Silahlı Qüvvələr Günündə hərbçilərin yürüşü keçirilib – “Ordumuz daim var olsun!”
Azərbaycan ordusu necə dünyanın ən güclü ordularından birinə çevrildi?
Prezident İran İslam Şurası Məclisinin sədrinin başçılıq etdiyi nümayəndə heyətini qəbul edib
Prezident TBMM-nin sədrinin rəhbərlik etdiyi nümayəndə heyətini qəbul edib
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
