Biçin mövsümündən sonra taxıl sahələrini yandırmayın! - XƏBƏRDARLIQ
Gəncədə təbiət ərazilərində yanğın təhlükəsizliyi ilə bağlı sahibkar və fermerlərin iştirakı ilə regional müşavirə keçirilib.
APA TV-nın yerli bürosunun xəbərinə görə, görüşdə insan ehtiyatsızlığı və digər səbəblərdən yaranan meşə yanğınları və onların qarşısının alınması istiqamətində maarifləndirici məlumatlar verilib. Çıxış edən şəxslər bildiriblər ki, qarşıdan yay mövsümünün gəlməsi ilə əlaqədar meşə və yaşıllıq ərazilərdə yanğın təhlükəsi daha da artır. Fövqəladə hallar nazirinin müavini Etibar Mirzəyev yanğınların baş verməməsi üçün görüləcək tədbirlər haqqında çıxış edib. Nazir müavini fermer və sahibkarlara biçin mövsümündə diqqətli olmalarını, təhlükəsizlik qaydalarına ciddi əməl etmələrini və taxıl sahələrini yandırmamalarını tövsiyə edib.
Etibar Mirzəyev həmçinin yanğın hallarının baş verməməsi üçün maarifləndirmə işlərinin ölkənin müxtəlif bölgələrində davam etdirildiyini də vurğulayıb.
Fuad Nazimoğlu,
Mehdi Məmmədov,
APA TV
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
