Beyləqanda ağır qəza, yük avtomobili ilə minik maşını toqquşdu
Hadisə Beyləqan rayonunun İmamverdili kəndi ərazisində, İmişli-Beyləqan avtomobil magistralının üzərində yerləşən körpüdə baş verib. “KamAZ” markalı avtomobil idarəetməni itirərək qarşı tərəfin yoluna çıxıb və “VAZ 2105” markalı minik avtomobili ilə toqquşub. Daha sonra yük avtomobili körpüdən aşaraq Bakı-Horadiz dəmir yolu xəttinin üzərinə düşüb. Nəticədə yük avtomobilinin sürücüsü hadisə yerində, minik avtomobilinin sürücüsü və sərnişini xəstəxanada ölüblər. Qəzada həlak olan Beyləqan rayon sakinləri - 38 yaşlı sərnişin Şəmşir Şükürzadə, minik avtomobilinin sürücüsü, 32 yaşlı İlqar Məmmədov və yük avtomobilinin sürücüsü 51 yaşlı Barat İsmayılovdur. Hadisənin baş verməsinə səbəb yük avtomobilinin sürücüsünün sükan arxasında yuxulaması olub. Qəza ilə əlaqədar dəmir yolu xəttində qatarların hərəkəti dayandırılıb. Faktla bağlı araşdırma aparılır. Əlibəy Zeynallı, Elçin Həsənov, APA TV
Apa.tv
OXŞAR XƏBƏRLƏR
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
Prezident İlham Əliyev Avropa Komissiyasının rəhbəri Ursula Fon der Lyayeni qəbul edəcək
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
