Beş il öncə salınan yolda sürüşmə baş verdi
Şamaxı-Göylər-Padarçöl avtomobil yolunun bir çox hissəsi dağılaraq yararsız vəziyyətə düşüb.
APA TV-nİn yerli bürosunun xəbərinə görə 2017-ci ildə istifadəyə verilən və uzunluğu 54 kilometr olan bu yolda demək olar ki, hər ilin payız-qış aylarında çökmələr baş verir. Bu günlərdə yolun bəzi hissələrində yeni sürüşmə və çökmə halları qeydə alınıb, asfalt örtüyünün çox hissəsində çatlar və iri yarğanlar əmələ gəlib. Bir neçə yerdə isə asfalt örtüyü tamamilə dağılıb. Hər gün bu yollardan istifadə edən sürücülər yolun qısa vaxtda dağılmasına görə narahat olduqlarını bildirirlər.
Yerli sakinlərin və sürücülərin sözlərinə görə, yolun çökməsinə səbəb son günlər yağan intensiv yağışlarla yanaşı, yolda hərəkət edən ağır tonnajlı avtomobillərdir. Sürücülər uzun illər Şamaxı-Göylər-Padarçöl yolunun yenidən qurulmasını həsrətlə gözlədiklərini, yolsuzluq səbəbindən çox əziyyət çəkdiklərini, 5 il öncə rahat yolun istifadəyə verilməsinə baxmayaraq, ağır tonnajlı avtomobillərin intensiv olaraq Şamaxı-Göylər-Padarçöl yolundan hərəkət etməsi səbəbindən onun qısa vaxtda dağılmasına səbəb olduğunu deyirlər.
Rayon sakinləri aidiyyəti qurumlardan bu yolun dağılmaması üçün yük avtomobillərinə nəzarətin artırılmasını, ərazidə təmir-bərpa işlərinin görülməsini istəyirlər.
Apa.tv
OXŞAR XƏBƏRLƏR
15 iyun - Milli Qurtuluş Günü: Azərbaycanın taleyini dəyişən ZƏFƏR TARİXİ
15 İyun: Xalqın Ümid, Dövlətin Xilas Günü
Azadlığından sonra Ağdam və Füzulidə ilk dəfə son zəng çalınıb
Bakıda 45 nömrəli məktəb məzunlarını yola saldı - Sonuncu zəng çalındı
Elm və Təhsil Naziri Gəncədə “Son Zəng” tədbirində iştirak edib
