Bələdiyyələr bundan sonra belə fəaliyyət göstərəcək
Avropa İttifaqı (Aİ) və Birləşmiş Millətlər Təşkilatının İnkişaf Proqramı (BMTİP) Azərbaycanda yeni “İqtisadi İnkişafı Dəstəkləyən Bələdiyyə Sədrləri" proqramının icrasına başlayıb.
APA TV-nin xəbərinə görə, "İqtisadi İnkişafı Dəstəkləyən Bələdiyyə Sədrləri" proqramı 2024-cü ilə qədər davam edəcək və Şərq Tərəfdaşlığı (ŞT) regionunda dayanıqlı inkişafı hədəfləyəcək.
Layihənin açılış mərasimində çıxış edən Aİ-nin Azərbaycandakı Nümayəndəliyinin rəhbəri Peter Mixalko deyib ki, "İqtisadi İnkişafı Dəstəkləyən Bələdiyyə Sədrləri" proqramı çərçivəsində Azərbaycanın müxtəlif şəhərlərinə Yerli İqtisadi İnkişaf Planlarının hazırlanması prosesində dəstək veriləcək.
Səfir Azərbaycanın regionlarına səfərini xatırladaraq deyib ki, Aİ-nin dəstəyi ilə Azərbaycanın 45 şəhərinin və rayonun iqtisadi inkişafına töhfə verən layihələr dəstəklənib, yerli idarəçilərlə əməkdaşlıq səmərli şəkildə aparılır.
2024-cü ilə qədər davam edəcək layihə çərçivəsində yerli bələdiyyələr yeni fürsətlərə və maliyyələşmə imkanlarına çıxış əldə edə biləcəklər.
Qeyd edək ki, bu layihə "Şərq Tərəfdaşlığı" regionunda həyata keçirilir və ümumi büdcə 10 milyon avro təşkil edir.
Semral Cavad
Kamran Namazov
APA TV
Apa.tv
OXŞAR XƏBƏRLƏR
15 iyun - Milli Qurtuluş Günü: Azərbaycanın taleyini dəyişən ZƏFƏR TARİXİ
15 İyun: Xalqın Ümid, Dövlətin Xilas Günü
Azadlığından sonra Ağdam və Füzulidə ilk dəfə son zəng çalınıb
Bakıda 45 nömrəli məktəb məzunlarını yola saldı - Sonuncu zəng çalındı
Elm və Təhsil Naziri Gəncədə “Son Zəng” tədbirində iştirak edib
