Bakıdan Çinə daha bir aviareys üzrə uçuşlar dayandırıldı
"China Southern Airlines" aviaşirkəti Quançjou-Bakı-Quançjou birbaşa sərnişin aviareysi üzrə uçuşları dayandırıb.
Bu barədə "APA-Economics"ə şirkətin Bakıdakı ofisindən bildirilib.
Məlumata görə, buna səbəb Çində tüğyan edən koronavirus olub: "Quançjou-Bakı aviareysi cari ilin aprel ayının 1-dək dayandırılıb. Sözügedən reys üzrə uçuşların bərpa olunmasının dəqiq tarixi bilinmir".
Qeyd edək ki, "China Southern Airlines" Bakıdan Quançjouya hər həftənin II və VII günləri yerinə yetirirdi.
Bundan əvvəl isə AZAL Bakı-Pekin-Bakı marşrutu üzrə reyslərin həyata keçirilməsini fevral ayından müvəqqəti olaraq dayandırdığını açıqlayıb. Bu reyslər martın 8-dən yenidən fəaliyyətə başlayacaq.
Xatırladaq ki, Çində koronavirusdan ölənlərin sayı 132 nəfərə çatıb, ümumilikdə isə təxminən 6 min nəfər bu virusa yoluxub.
Apa.tv
OXŞAR XƏBƏRLƏR
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
Azərbaycandan tranzit keçməklə Ermənistana propan və gübrə göndərilib
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
