Bakı-Qazax yolunda zəncirvari qəza baş verib
Bakı-Qazax yolunda zəncirvari qəza baş verib, xəsarət alanlar var. APA TV-nın yerli bürosunun xəbərinə görə, hadisə Bakı-Qazax əsas magistral yolunun Ucar rayonunun Qarabörk kəndindən keçən hissəsində qeydə alınıb. Ucar rayon sakini, 1994-ci il təvəllüdlü Asif Rais oğlu Məmmədovun idarə etdiyi traktor, Biləsuvar rayon sakini, 1996-cı il təvəllüdlü Cavad Cavid oğlu Qurbanlının idarə etdiyi" Mercedes", Bərdə rayon sakini, 1958-ci il təvəllüdlü Rizvan Səttar oğlu Nəsirovun idarə etdiyi "Ford" və Qazax rayon sakini, 1969-cu il təvəllüdlü İsmayıl Süleymanovun idarə etdiyi "Ford tranzit" markalı maşın toqquşub. Nəticədə traktorda olan sərnişin, 1967-ci il təvəllüdlü Rais Əsurət oğlu Məmmədov, "Mercedes"in sürücüsü C. Qurbanlı və sərnişinləri - Quba rayon sakini, 1995-ci il təvəllüdlü İxtiyar Bəxtiyar oğlu Abdullayev və Gəncə şəhər sakini, 1996- cı il təvəllüdlü İlkin Ceyhun oğlu Hüseynov aldıqları müxtəlif xəsarətlərlə Ucar Mərkəzi Rayon Xəstəxanasına yerləşdiriliblər. Faktla bağlı araşdırma aparılır. Zahid Abışov. Devran Əsgərov
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
