Azyaşlının pulunu alıb, təhdid elədi
Astara Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində yetkinlik yaşına çatmayan şəxsin üzərindəki pulu soyğunçuluq yolu ilə ələ keçirməkdə şübhəli bilinən şəxs yaxalanıb.
APA TV-nin cənub bürosunun verdiyi xəbərə görə, araşdırmalar zamanı onun Astara rayon sakini, əvvəllər məhkum olunmuş Fəqan Məmmədov olduğu müəyyən edilib. Fəqan Məmmədov bildirib ki, hadisəni Pedaqoji Kollecin yanında edib: “Pedaqoji Kollecin yanından keçərkən bir nəfərə yaxınlaşdım. Dedim pul lazımdır, çıxartdı 2 manat. Təzədən pulqabıda 5 manat pul var idi.Onu da aldım. Qorxutdum ki, heç kimə deməyəsən. Səhər polis əməkdaşları məni tutdular.”
Fəqan Məmmədov saxlanıldıqdan sonra keçirilən şəxsi axtarış zamanı onun üzərindən 5 qram narkotik vasitə heroin aşkarlanaraq götürülüb.
Faktla bağlı araşdırma aparılır.
Tural Kərimov
Rövşən Əzimov
APA TV. Astara
Apa.tv
OXŞAR XƏBƏRLƏR
Prezident İlham Əliyevin Türkmənistan Prezidenti ilə geniş tərkibdə görüşü olub
Azərbaycan ilə Türkmənistan arasında imzalanmış sənədlər mübadilə olunub
Türkmənistan Prezidentinin Bakıda rəsmi qarşılanma mərasimi olub
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
